Tamanna kortimik akiliilernermi isumannaallisaanerulernissaq anguniarlugu 3D security atulersipparput. Namminnerluta isumannaallisaaneq angutserumavarput, saniatigulli suleqativut NETS aammalu Swedbanki EU-miit inatsisitigut 3D security atorneqalernissaannut piumasaqaataalernissaa ungasigunnaarmat.

Atuisutta ilisimasariaqassavaat, kortit akiliutitik "Verified by Visa"-mut imaluunniit "Mastercard ID Check"-imut mobilnormutik ilanngullugit nalunaarutigissagaat, qaavatigullu qarasaasiami ingalaajusaq nutaaq puttutissasoq. Pingaaruteqarpoq ilisimanissaa, mobilnormu tunniussaq Tusassimit aqunneqanngimmat. Tamannali atuisup bankianit taamaallaat aqunneqarmat, netbanki imaluunniit NemID aqqutingalugu allanngortinneqarsinnaalluni. 3D security atuutilernissaanut nalornilissaguit bankivit saaffiginissaa innersuussutigissavarput.

Annertunerusumik paasisaqarusukkuit uani atuarit

Korti akiliutaasoq 3D securitymut ilanngussimanngippat, atuutilernissaanut innersuussissaagut. Ilanngunneqarsimanngippat akiliinissaq iluatsinneqarsinnaanavianngilaq, taamaattumillu ilanngunnissa isumannaaqqaartariaqassalluni.

Tamanna akiliilernermi ingalaajusap nuinerani imaluunniit linkimi ataani saqqummiussami isumannaarneqarsinnaavoq. Tamanani NemID pisariaqassaaq.

NemID piginngikkaanni bankerisaq saaffigineqartariaqassaaq.

3D securitymut ilanngugit

Mobilikkut atuisuuffittaarniaruit akiliinermut korteqartariaqarputit internetikkut pisinermi atorsinnaasumik. Mobilikkut atuisuuffik interneti aqqutigalugu isumaqatigiissut sanasussaammat Akiliut atorsinnaanngilaq. Kisianni MasterCard Debit bankivit neqeroorutigisinnaavaa Akiliummut tapertatut. MasterCard Debit mobilikkut atuisuuffimmut atorsinnaavoq.

Kortit atorneqarsinnaasut ukuupput: Dankort, Visa/Dankort, MasterCard aamma Visa Elektron. Akiliut atorlugu Tusass.gl-imi akiliisinnaanngilatit.

Maluginiaqqussavarput debitkortimik akiliilernermi atuisuuffimmut akiligassaq tamakkiisoq bankimut inniminnerneqareertarmat. Internetimillu attavinitsinneqareernerup kingorna nikingassutaasinnaasut utertiivigineqarumaarmata.

Korti akiliissutaasartoq atuisuuffivit aaqqissornerani allanngortissinnaavat.

Uunga iserlutit taamaasiorsinnaavutit: LINK

Tusassera iserfigiuk
Korti akiliutaasartoq-mukariarlutit korti atugaasoq taarsersinnaavat.